Anubrir
Vien la nueche agora,
palmu a palmu,
a pintar les parés d’otres nueches
difuses. Adiéntrase nos cuartos
onde una vez, hai tiempu, nos quememos pa siempres.
Vien la nueche agora
y apiértase a nosotros mediando les distancies.
Pa ponenos na frente un besu de salmueria,
vien la nueche agora
y trainos nes sos manes la so callada sombra.
No hay comentarios:
Publicar un comentario