El tiempu va alimentase de ti y de mi.

Son del tardía

Xunu arrincó la primavera

Lourdes Álvarez

2006

Pa Concha Ares

La nueche va devorar a estos mozos y moces.

El tiempu va alimentase de ti y de mi.

Va ser l'amor una muñeca rota;

igual que xuguetes cansos, lluna y sol.

E. E. Cummings

Pétalo a pétalo, xunu arrincó la primavera.

Pa que tu granares  y, ente los vivos, volvieres

más cerca de nosotres, a comer l'agua en flor.

                           A coyer l'agua en flor.

                           Xunu arrincó la primavera.

Pétalu a pétalu, allárgase la maxa de la nueche

cima les manes llenes, mes de San Xuan.

Masque tu, amor, escueyas solo silenciu y escaezas 

de mío lo más puro y feliz que quixi date.

                           Xunu arrincó la primavera,

                           pétalu a pétalu.

Pa coyer l'agua en flor,

pétalu a pétalu,

salta'l solsticiu, xunu,

Y priende na foguera'l nuesu amor.